મઢી સુગર ફેક્ટરીની ચૂંટણીને લઈને સહકાર પેનલની મિટિંગ.,

મઢી સુગર ફેક્ટરી ચૂંટણીને લઈને માંડવી ખાતે રાજકીય અને સહકારી માહોલ ગરમાયો છે. મઢી સુગર ફેક્ટરીની વ્યવસ્થાપક સમિતિની 20 સપ્ટેમ્બરે યોજાનારી ચૂંટણીને લઈને સહકાર પેનલની મિટિંગ માંડવી કૃષિ મંગલ હોલ ખાતે યોજાઈ હતી. બેઠક મઢી સુગરના પૂર્વ ચેરમેન સમીરભાઈ ભક્તની અધ્યક્ષતામાં યોજાઈ હતી, જેમાં મોટી સંખ્યામાં સભાસદો હાજર રહ્યા હતા. સમીરભાઈ ભક્ત બિનહરીફ વિજેતા જાહેર થયા છે અને તેમણે સહકાર પેનલના ઉમેદવારોને જંગી લીડથી વિજેતા બનાવવા સભાસદોને અપીલ કરી હતી.,

સમીરભાઈ ભક્તની અધ્યક્ષતામાં ચૂંટણી અંગે ચર્ચા

માંડવી કૃષિ મંગલ હોલ ખાતે યોજાયેલી બેઠકમાં મઢી સુગર ફેક્ટરીની વ્યવસ્થાપક સમિતિની આગામી ચૂંટણી અંગે ચર્ચા કરવામાં આવી હતી. સમીરભાઈ ભક્તે સભાસદોને સંબોધતા છેલ્લા પાંચ વર્ષમાં કરવામાં આવેલા કામોની માહિતી આપી હતી.

તેમણે આજના સમયની માંગને ધ્યાનમાં રાખીને કેમિકલ મુક્ત ખાંડ બનાવવા માટે કાર્યવાહી કરવામાં આવી રહી હોવાનું પણ જણાવ્યું હતું. બેઠક દરમિયાન મઢી સુગરની કામગીરી અને આગામી ચૂંટણીને લઈને સભાસદો સમક્ષ સહકાર પેનલનું વલણ રજૂ કરવામાં આવ્યું હતું ને પેનલની.મિટિંગ યોજાઈ

સહકાર પેનલના ઉમેદવારોને જીતાડવા અપીલ

સમીરભાઈ ભક્તે સહકાર પેનલના ઉમેદવાર દિનેશભાઈ પટેલ, હરેશભાઈ ચૌધરી, મોક્ષનાબેન મહિડા તેમજ જૂથ 13 માંડવી-2ના તમામ ઉમેદવારોને જંગી લીડથી વિજેતા બનાવવા સભાસદોને અપીલ કરી હતી.

આ ચૂંટણીમાં કિસાન પરિવર્તન પેનલ અને સહકાર પેનલ વચ્ચે સીધી ટક્કર જોવા મળશે. ચૂંટણીને લઈને બંને પેનલ તરફથી સભાસદો સુધી પહોંચવાના પ્રયાસો કરવામાં આવી રહ્યા છે.

મઢી સુગર ફેક્ટરીની વ્યવસ્થાપક સમિતિ માટે 20 સપ્ટેમ્બરે મતદાન યોજાશે, જ્યારે 22 સપ્ટેમ્બરે મતગણતરી હાથ ધરવામાં આવશે. મતદાન અને મતગણતરીની તારીખને ધ્યાનમાં રાખીને ચૂંટણી પ્રચાર પણ મહત્વના તબક્કામાં પહોંચ્યો છે.

સહકાર પેનલની આ બેઠકમાં મોટી સંખ્યામાં સભાસદોની હાજરી જોવા મળી હતી. બેઠક દરમિયાન સમીરભાઈ ભક્તે છેલ્લા પાંચ વર્ષના કાર્યો સાથે આગામી સમયની યોજનાઓ અંગે પોતાની વાત રજૂ કરી હતી અને પેનલના ઉમેદવારોને સમર્થન આપવા અપીલ કરી હતી
સમીરભાઈ ભક્તની અધ્યક્ષતામાં સભાસદો સાથે બેઠક યોજાઈ. સહકાર પેનલના ઉમેદવારોને જીતાડવા અપીલ, 20 સપ્ટેમ્બરે મતદાન  યોજાશે...