અમદાવાદની ઈન્ટરનેશનલ સ્કૂલમાં ધોરણ-2માં અભ્યાસ કરતા આઠ વર્ષીય જયબીર સિંઘ વર્લ્ડ રેકોર્ડ બનાવી પોતાની પ્રતિભા દર્શાવી છે. જયબીર સિંઘ ગુરુદત્તે એક મિનિટમાં 156 પ્લેન્ક જૅક્સ કરીને વર્લ્ડ રેકોર્ડ બનાવ્યો છે. તેની આ સિદ્ધિને ‘વર્લ્ડ રેકોર્ડ્સ ઈન્ડિયા’ દ્વારા માન્યતા આપવામાં આવી છે.
એક મિનિટમાં 156 પ્લેન્ક જૅક્સ
માત્ર આઠ વર્ષની ઉંમરે જયબીર સિંઘે એક મિનિટમાં 156 પ્લેન્ક જૅક્સ કરીને આ સિદ્ધિ મેળવી છે. રેકોર્ડના પ્રયાસ દરમિયાન ‘વર્લ્ડ રેકોર્ડ્સ ઈન્ડિયા’ના CEO પાવન સોલંકી પણ ઉપસ્થિત રહ્યા હતા.
હર્ષમીત સિંઘ અને ખુશ્બુ કૌરના પુત્ર જયબીર સિંઘે સાત વર્ષની ઉંમરથી રમતગમતની તાલીમ શરૂ કરી હતી. ત્યારથી તે નિયમિત રીતે પોતાની શારીરિક તંદુરસ્તી અને રમતગમતના કૌશલ્ય પર કામ કરી રહ્યો છે.
અમનદીપસિંઘ ગોત્રા પાસેથી લઈ રહ્યો છે તાલીમ
હાલમાં જયબીર આંતરરાષ્ટ્રીય વુશુ ચેમ્પિયન અને ‘વર્લ્ડ રેકોર્ડ્સ ઈન્ડિયા’ના રેકોર્ડધારક અમનદીપસિંઘ ગોત્રા પાસેથી વ્યાવસાયિક તાલીમ લઈ રહ્યો છે.
આ રેકોર્ડ માટે જયબીરે પોતાના કોચના માર્ગદર્શન હેઠળ નિયમિત અને સુઆયોજિત તાલીમ કાર્યક્રમનું પાલન કર્યું હતું. તેની તાલીમમાં શારીરિક તંદુરસ્તીની સાથે વિવિધ રમતગમતના કૌશલ્યના વિકાસ પર પણ ધ્યાન આપવામાં આવે છે.
દરરોજ બે કલાકની તાલીમ
જયબીર સિંઘ વર્લ્ડ રેકોર્ડ માટે દરરોજ બે કલાક તાલીમ લેતો હતો. તેના તાલીમ કાર્યક્રમને સવાર અને સાંજ એમ અલગ-અલગ સત્રમાં વહેંચવામાં આવ્યો છે.
સવારના સત્રમાં શારીરિક તંદુરસ્તી પર વિશેષ ધ્યાન આપવામાં આવે છે. જેમાં શક્તિ, સ્ટેમિના, સહનશક્તિ, શરીરની ગતિશીલતા, લવચીકતા અને કોર સ્ટ્રેન્થ જેવી બાબતોનો સમાવેશ થાય છે.
સાંજના સત્રમાં કૌશલ્ય વિકાસ પર ધ્યાન
સાંજના તાલીમ સત્રમાં પંચિંગ, કિકિંગ અને એથ્લેટિક ડ્રિલ્સની તાલીમ આપવામાં આવે છે. આ ઉપરાંત મિક્સ્ડ માર્શલ આર્ટ્સની તાલીમ દ્વારા કૌશલ્ય વિકાસ પર ધ્યાન કેન્દ્રિત કરવામાં આવે છે.
નિયમિત તાલીમ અને કોચના માર્ગદર્શન હેઠળ જયબીરે એક મિનિટમાં 156 પ્લેન્ક જૅક્સ કરવાનો પ્રયાસ કર્યો હતો.
‘વર્લ્ડ રેકોર્ડ્સ ઈન્ડિયા’ દ્વારા માન્યતા
જયબીર સિંઘની એક મિનિટમાં 156 પ્લેન્ક જૅક્સ કરવાની સિદ્ધિને ‘વર્લ્ડ રેકોર્ડ્સ ઈન્ડિયા’ દ્વારા માન્યતા આપવામાં આવી છે. રેકોર્ડના પ્રયાસ દરમિયાન સંસ્થાના CEO પાવન સોલંકી પણ હાજર રહ્યા હતા.
સાત વર્ષની ઉંમરથી રમતગમતની તાલીમ શરૂ કરનાર જયબીર સિંઘ હાલમાં માત્ર આઠ વર્ષની ઉંમરે નિયમિત બે કલાકની તાલીમ સાથે પોતાની રમતગમતની ક્ષમતાને આગળ વધારી રહ્યો છે.