નેશનલ એલિજિબિલિટી કમ એન્ટ્રન્સ ટેસ્ટ (NEET UG-2026)ના પરિણામમાં આકાશ એજ્યુકેશનલ સર્વિસીસ લિમિટેડના વિદ્યાર્થીઓએ દેશભરમાં નોંધપાત્ર સફળતા મેળવી છે. ગુજરાતમાં પણ સંસ્થાના વિદ્યાર્થીઓએ ઉત્તમ પ્રદર્શન કરીને પોતાની પ્રતિભાનો પરિચય આપ્યો છે. ગાંધીનગર શાખાના ક્લાસરૂમ પ્રોગ્રામના વિદ્યાર્થી સુમિત ક્રિપલાણીએ ઓલ ઈન્ડિયા રેન્ક (AIR) 3940 મેળવી ગાંધીનગર સિટી ટોપર બનવાનો ગૌરવ મેળવ્યો છે.
NEET UG-2026માં આકાશના વિદ્યાર્થીઓનું શાનદાર પ્રદર્શન, ગાંધીનગર સિટી ટોપર બન્યો સુમિત ક્રિપલાણી..
સુમિત ક્રિપલાણીની આ સિદ્ધિને તેમની સતત મહેનત, શિસ્તબદ્ધ અભ્યાસ અને શિક્ષકોના યોગ્ય માર્ગદર્શનનું પરિણામ માનવામાં આવી રહ્યું છે. તેમણે નિયમિત અભ્યાસ, મોક ટેસ્ટ અને શંકા નિવારણ સત્રોના માધ્યમથી પોતાની તૈયારીને વધુ મજબૂત બનાવી હતી, જેના કારણે તેઓ આ સફળતા હાંસલ કરવામાં સફળ રહ્યા.
અમદાવાદમાં પણ આકાશ એજ્યુકેશનલ સર્વિસીસના વિદ્યાર્થીઓએ ઉત્કૃષ્ટ પ્રદર્શન કર્યું છે. આર્યન શાહે AIR-373 સાથે શહેરમાં શ્રેષ્ઠ સ્થાન મેળવ્યું છે. જ્યારે જૈનિલ શાહે AIR-629, સોહમ ઓધવિયાએ AIR-651 અને નિત્ય શાહે AIR-665 મેળવી અમદાવાદનું ગૌરવ વધાર્યું છે. વિદ્યાર્થીઓની આ સફળતા સંસ્થાની ગુણવત્તાયુક્ત શિક્ષણ વ્યવસ્થા અને પરિણામલક્ષી અભ્યાસ પદ્ધતિને પ્રતિબિંબિત કરે છે.
રાષ્ટ્રીય સ્તરે પણ આકાશ એજ્યુકેશનલ સર્વિસીસના વિદ્યાર્થીઓએ નોંધપાત્ર સિદ્ધિ મેળવી છે. સંસ્થાના વિદ્યાર્થીઓએ NEET UG-2026માં ટોપ-10, ટોપ-50 અને ટોપ-100માં મળીને કુલ 41 સ્થાન પ્રાપ્ત કર્યા છે. આ પરિણામ સંસ્થાની વર્ષોથી ચાલી આવતી શૈક્ષણિક પરંપરા અને ગુણવત્તાસભર માર્ગદર્શનને વધુ મજબૂત બનાવે છે.
પોતાની સફળતા અંગે સુમિત ક્રિપલાણીએ જણાવ્યું હતું કે તેમના માતા-પિતા, શિક્ષકો અને માર્ગદર્શકોના સતત સહકાર તેમજ નિયમિત મોક ટેસ્ટ, ડાઉટ ક્લિયરિંગ સેશન અને સમયબદ્ધ તૈયારીના કારણે તેઓ આ મુકામ સુધી પહોંચી શક્યા છે. તેમણે ભવિષ્યમાં સફળ ડૉક્ટર બની સમાજની સેવા કરવાનો સંકલ્પ વ્યક્ત કર્યો હતો.
NEET UG-2026ના પરિણામમાં આકાશના વિદ્યાર્થીઓના આ ઉત્કૃષ્ટ પ્રદર્શનથી વિદ્યાર્થીઓ અને વાલીઓમાં પણ ઉત્સાહનો માહોલ જોવા મળી રહ્યો છે.