સુરતમાં મુંબઈ-અમદાવાદ વંદે ભારત ટ્રેન પર પથ્થરમારો..

સુરત વંદે ભારત ટ્રેન પથ્થરમારોની ઘટના સામે આવી છે. મુંબઈથી અમદાવાદ તરફ જઈ રહેલી વંદે ભારત ટ્રેન સુરત રેલવે સ્ટેશનથી રવાના થયા બાદ ઉતરાણ રેલવે સ્ટેશન નજીક ટ્રેન પર પથ્થરમારો કરવામાં આવ્યો હતો. મહત્વની વાત એ છે કે આ ટ્રેનમાં ઉત્તર પ્રદેશના રાજ્યપાલ આનંદીબેન પટેલ પણ મુસાફરી કરી રહ્યા હતા. જોકે ઘટના દરમિયાન રાજ્યપાલ સુરક્ષિત રહ્યા હતા. બનાવની જાણ થતાં RPF પોલીસે તાત્કાલિક કાર્યવાહી હાથ ધરી એક શકમંદને ઝડપી પાડ્યો છે.

ઉતરાણ રેલવે સ્ટેશન નજીક વંદે ભારત પર પથ્થરમારો

મુંબઈથી અમદાવાદ જઈ રહેલી વંદે ભારત ટ્રેન સુરત રેલવે સ્ટેશનથી રવાના થઈ હતી. ટ્રેન ઉતરાણ રેલવે સ્ટેશન નજીક પહોંચી ત્યારે પથ્થરમારાની ઘટના બની હતી.

પથ્થરમારાની ઘટનાને પગલે ટ્રેનને થોડા સમય માટે રોકવામાં આવી હતી. ટ્રેનમાં મોટી સંખ્યામાં મુસાફરો સાથે ઉત્તર પ્રદેશના રાજ્યપાલ આનંદીબેન પટેલ પણ મુસાફરી કરી રહ્યા હતા. જોકે સમગ્ર ઘટના દરમિયાન તેઓ સુરક્ષિત રહ્યા હોવાનું જણાવાયું છે.

ઘટનાને પગલે રેલવે સુરક્ષા સાથે જોડાયેલી એજન્સીઓ હરકતમાં આવી હતી. પથ્થરમારો કોણે અને કયા કારણોસર કર્યો તે અંગે તપાસ શરૂ કરવામાં આવી છે.

RPFએ એક શકમંદને ઝડપી પાડ્યો

વંદે ભારત જેવી ટ્રેન પર પથ્થરમારાની ઘટનાની જાણ થતાં RPF પોલીસે તાત્કાલિક કાર્યવાહી હાથ ધરી હતી. તપાસ દરમિયાન એક શકમંદને ઝડપી પાડવામાં આવ્યો હોવાનું જણાવાયું છે. હાલ તેની પૂછપરછ સાથે સમગ્ર ઘટનાની વધુ તપાસ કરવામાં આવી રહી છે.

ટ્રેન પર પથ્થરમારાની ઘટના પાછળનું ચોક્કસ કારણ શું હતું અને તેમાં અન્ય કોઈ વ્યક્તિની સંડોવણી છે કે કેમ તે અંગે પણ તપાસ આગળ વધારવામાં આવી રહી છે.

મુંબઈ અને અમદાવાદ વચ્ચે દોડતી વંદે ભારત ટ્રેન પર સુરત નજીક બનેલી આ ઘટનાએ રેલવે સુરક્ષાને લઈને પણ સવાલો ઊભા કર્યા છે. ખાસ કરીને ટ્રેનમાં ઉત્તર પ્રદેશના રાજ્યપાલ મુસાફરી કરી રહ્યા હોવાથી ઘટનાને ગંભીરતાથી લેવામાં આવી રહી છે.

હાલ RPF દ્વારા એક શકમંદને ઝડપી પાડવામાં આવ્યો છે અને સમગ્ર મામલે આગળની તપાસ ચાલી રહી છે. તપાસ પૂર્ણ થયા બાદ પથ્થરમારાની ઘટના પાછળની હકીકત વધુ સ્પષ્ટ થઈ શકશે.